සූර්යාලෝක චන්ද්‍රයා මත පතනය වන පෘෂ්ටයේ පවා ස්වභාවික ජලය සහිත පෙදෙස් ඇති බව නාසා විද්‍යාඥයන් විසින් ස්ථිර වශයෙන් අනාවරණය කරගනු ලැබ තිබෙනවා. මෙම නිගමනයට ඔවුන් එළඹ ඇත්තේ චන්ද්‍රිකා මාර්ගයෙන් ලබාගන්නා ලද ඡායාරූප විශ්ලේෂණයෙනි. ආවාට සහ කඳු නිස චන්ද්‍ර පෘෂ්ටයේ ඇතැම් කුහර තුළට හිරු කිරණ නොවැටෙන හෙයින් ඒවා අභ්‍යන්තරයේ ජලය පමණක් නොව අයිස් පවා පවතින බව ඔවුන් නිරීක්ෂණය කර තිබෙනවා.
මෙම ජලයේ ස්වභාවය නිර්ණය කිරීම පිණිස වැඩි දුරටත් පර්යේෂණ සිදු කලයුතු බව එම විද්‍යාඥයෝ පෙන්වා දෙනවා. අනාගතයේ දී චන්ද්‍රයා මතුපිට ගොඩ බස්වන යානාවන් විසින් සිදු කරනු ලැබීමට අපේක්ෂිත පර්යේෂණ සඳහා මෙම සොයා ගැනීම බෙහෙවින් ප්‍රයෝජනවත් වන බව ඔවුන්ගේ අදහසයි.
උපුටා ගැනීම : මවුබිම
